به‌پێی هه‌واڵی کوردپرێس، ده‌وڵه‌ت باخچه‌لی سه‌رۆکی پارتی بزاڤی نه‌ته‌وه‌په‌ره‌ستی تورکیا که له شاری عوسمانییه‌دا قسه‌ی ده‌کرد ئاماژه‌ی به ده‌ست پێکردنی خولێکی نوێ له تورکیا کرد و وتی: گشتپرسی به‌ڕێوه چوو و خه‌ڵکی سیسته‌می سه‌رکۆماریان بۆ به‌ڕێوه بردنی وڵات په‌سه‌ند کرد. به‌م شێوازه خولی سێهه‌می مێژووی جمهوورییه‌تی تورکیا ده‌ستی پێکردوووه. 1923 جمهوورییه‌تی تورکیا، 1946 فره‌ڕه‌نگیی حیزبه‌کان و له ساڵی 2019شدا سیسته‌می سه‌رکۆماری خولی سێهه‌م پێک ده‌هێنن. بیرۆکه‌ی ئێمه وڵاته‌که‌مانه. ده‌ردی ئێمه ئارامش و ئاسایشی خه‌ڵکه.
ناوبراو له درێژه‌ی لێدوانه‌کانیدا جه‌ختی کرده‌وه: 22 مانگی ماوه که هه‌ڵبژاردنی سه‌رۆکۆمار و نوێنه‌رایه‌تیی په‌رله‌مان ده‌ست پێبکات و ده‌یانه‌وێت به مشت و مڕی سیاسیی ناوخۆیی کاروباری وڵات دوا بخه‌ن. پارتی کۆماریخوازی گه‌ل له‌گه‌ڵ پارتی دیموکراتیکی گه‌لان ئیئتیلافی کردوووه و له پاڵ فه‌تحوڵڵا گوله‌ن و په‌که‌که ماونه‌ته‌وه.
سه‌رچاوه: هه‌واڵده‌ریی دۆغان
کۆدی هه‌واڵنێر: 60103
Your Comment