بەپێی هەواڵی کوردپرێس، جەعفەر تەوان، فەرمانداری دیواندەڕە لە کۆبوونەوەی سیتادی سامانپێدانی لاوانی شاری دیواندەڕەدا وتی: داڵغەی سەرەکیی بەرپرسان بێکاریی لاوانە و تا هەر ڕادەیێک کە بتوانین سامان بەو کەسانەی بە دوای کاردا دەگڕێن بدەین تا ئەو ڕادەیەش دەتوانین خەسارە کۆمەڵایەتییەکان دابەزێنین.

ناوبراو زیادی کرد: سیتادی سامانپێدان بە کاروباری لاوان دەبێت خەسارە کۆمەڵایەتییەکان تاوتوێ بکات و هەروەها پێوشوێنگری دۆخی کاری لاوان ببێت.

فەرمانداری دیواندەڕە ئاشکراشی کرد: دەوڵەت لە گەڵاڵەی «تکاپو» واتا گەشەی کاسبی و کاری هەمیشەی، پشتگیری دەکات بەڵام بەداخەوە تا ئێستا لە شاری دیواندەڕەڕ ئاوڕی لێنەدراوەتەوە.

کۆدی هه‌واڵنێر: 60113