به‌پێی هه‌واڵی کوردپرێس، سه‌عدی ئه‌حمه‌د پیره به هه‌واڵده‌ریی "الفرات نیوز"ی وتوووه: ئێستاکه قه‌باره سیاسییه‌کانی کوردستان هه‌وڵه‌کانیان بۆ جۆرێک ئیتیفاق و هاوپه‌یمانیی نێوانیان چڕ کردۆته‌وه. ئه‌و حیزبانه بۆ بڕیاردان له‌سه‌ر به‌شداریی له هه‌ڵبژاردنی داهاتووی عێراق له‌وان ناوچه جێناکۆکییه‌کان ئازاد و ده‌ستکراوه‌ن.
ناوبراو ئاماژه به‌وه‌ش ده‌کات: قه‌باره سیاسییه‌کانی کوردستان بۆ به‌شداری له هه‌ڵبژاردنی په‌رله‌مانیی عێراق له کۆمیسیۆنی باڵای هه‌ڵبژاردن ناونووسییان کردوووه و هێشتاکه چاره‌نووسی ئیئتیلافه‌کانی هه‌ڵبژاردن له نێوان قه‌باره سیاسییه‌کانی کوردستان ناڕوون و گوماناوییه.
وته‌بێژی یه‌کێتیی نیشتمانیی کوردستان جه‌ختی له‌سه‌ر ئه‌وه کرده‌وه: له ڕابردوودا هاوپه‌یمانێتیی ستراتێژیکیی نێوان دوو حیزبی پارتی و یه‌کێتیی نیشتمانیی کوردستان، ئیداره کردنی هه‌رێمی کوردستان به شێوه‌ی شه‌راکه‌تی به‌دواوه بوو.
ناوبراو وتیشی: ئێستاکه هه‌ندێک له قه‌باره سیاسییه‌کانی کوردستان بۆ وه‌ده‌ستهێنانی ده‌نگی هه‌ڵبژاردن دۆخی ئابوور و بژێوی ژیانی هه‌رێمی کوردستانیان گرتۆته‌ده‌ست.
سه‌عدی ئه‌حمه‌د پیره قه‌یرانه‌کانی دوای گشتپرسی و خۆپیشاندانی هه‌رێمی کوردستان که لێکه‌وته‌یێکی نێگه‌تیڤی بوووه، به هۆکاره‌کانی گومان له هاوپه‌یمانێتیی هه‌ڵبژاردن وه‌سف ده‌کات.
کۆدی هه‌واڵنێر: 60103
Your Comment