به‌پێی هه‌واڵی کوردپرێس، ئه‌لبولفه‌زل حه‌سه‌ن به‌یگی ئه‌ندامی کۆمیسیۆنی ئاسایشی نیشتمانی له‌ په‌رله‌مانی ئێران وتبووی به‌رپرسانی وڵات به‌ڵێنیان داوه‌ فیلته‌ر له‌سه‌ر ته‌له‌گرام هه‌ڵبگرن. ئه‌و هه‌واڵه‌ش خێرا له‌ میدیاکان و تۆڕه‌ کۆمه‌ڵایه‌تییه‌کان بڵاو بوویه‌وه‌. به‌ڵام ئیدعاکه‌ له‌ لایه‌ن دوو ئه‌ندامی دیکه‌ی کۆمیسیۆنی ئاسایشی نیشتمانییه‌وه‌ ڕه‌ت کرایه‌وه‌.

محه‌مه‌د ئیبراهیم ڕه‌زایی و مسته‌فا که‌واکێبیان هه‌ر دوو لای خۆیانه‌وه‌ ئه‌و هه‌واڵه‌یان ڕه‌ت کرده‌وه‌ و وتیان که‌س به‌ڵێنی هه‌ڵگرتنی فیلته‌ری ته‌له‌گرامی نه‌داوه‌.

هه‌روه‌هاش به‌رپرسێکی وه‌زاره‌تی پێوه‌ندی و گه‌یاندنیش وتوویه‌تی سه‌باره‌ت به‌ ئیدعای هه‌ڵگرتنی فیلته‌ر له‌سه‌ر ته‌له‌گرام تا ڕۆژی پێنجشه‌ممه‌/ 21ی به‌فرانبار ئاگام له‌ هیچ نییه‌.

کۆدی هه‌واڵنێر: 60104