بەپێی هەواڵی کوردپرێس، ڕەجەب تەیب ئەردۆغان سەرۆک‌کۆماری تورکیا و دەولەت باغچەلی ڕێبەری پاری بزاڤی نەتەوەییی تورکیا پاشنیوەڕۆی ئەوڕۆ چوارشەممە ٢٠ی بەفرانبار لەسەر تەوەری ئەگەری هاوپەیمانیی پارتەکانیان لە هەڵبژاردنەکانی ساڵی ٢٠١٩ دیدار و گفتوگۆیان کرد.
باغچەلی پێشتر لە کاندیداتۆریی ئەردۆغان بۆ سەرۆک‌کۆماری پشتیوانیی کردبوو و ڕای‌گەیاندبوو بۆ خۆی بۆ هەڵبژاردنەکان ناپاڵێوێت.
ئەردۆغان لە دیدارەکەدا وتی: دەبێ لەسەر هەڵوێستی نەتەوەخوازانەی جەنابی باغچەلی جەخت بکەمەوە. بێگومان ئەو ڕۆحی یەکێتییەی کە لە ئەنجامی یەکگرتنەوەی ئێمە دێتە دی پیلانی هەموو ئەوانەی دەیانهەوێ تورکیا دابەش بکەن پووچەڵ دەکاتەوە.
زیاتر وتیشی: من و جەنابی باغچەلی سەبارەت بە وڵات و پرسەکانی گفتوگۆ دەکەین و هیوادارم پێکەوە بەرەو داهاتوو هەنگاو بنێین.
سەرچاوە: حوڕیەت
کۆدی هەواڵنێر: 60105
Your Comment