به‌پێی هه‌واڵی کوردپرێس، محه‌مه‌د شویلی وته‌بێژی ڕێکخراوی ده‌روازه سنوورییه‌کانی عێراق له لێدوانێکی ڕۆژنامه‌وانیدا ئاماژه‌ی به‌وه کرد تاکوو ئێستا هیچ جۆره ڕێککه‌وتنێک له نێوان هه‌ولێر- به‌غدا سه‌باره‌ت به ده‌روازه سنوورییه‌کان ئه‌نجام نه‌دراوه.
ناوبراو جه‌ختی کرده‌وه: ڕێکخراوی ده‌روازه سنوورییه‌کانی عێراق تیمێکی کارناسییه و چاوه‌ڕوانی ڕێککه‌وتنی نێوان هه‌ولێر- به‌غدا سه‌باره‌ت به شێوازی ئیداره کردنی ده‌روازه سنوورییه‌کان ده‌کات.
شویلی وتیشی: ڕێکخراوی ده‌روازه سنوورییه‌کانی عێراق بۆ به‌ده‌سته‌وه‌گرتنی کۆنتڕۆڵی ده‌روازه سنوورییه‌کانی هه‌رێمی کوردستان ئاماده‌ییی ته‌واوی هه‌یه و ئه‌و ڕێکخراوه‌یه ئێستا هه‌وڵی کردنه‌وه‌ی ده‌روازه‌ی "طریبیل" ده‌دات که ده‌که‌وێته نێوان عێراق و ئۆردۆن و ئاڵوگۆڕیی بازرگانیی نێوان دوو وڵات به‌هێز ده‌کات.
سه‌رچاوه: هه‌واڵده‌ریی "عراق پرس"
کۆدی هه‌واڵنێر: 60103
Your Comment