به‌پێی هه‌واڵی کوردپرێس، جاسم محه‌مه‌د جه‌عفه‌ر به "المعلومه"ی وتوووه: له حه‌فته‌یێک پێش ئێستاوه هه‌ندێ دانووستان له نێوان هه‌ولێر- به‌غدا له‌باره‌ی پرسه جێناکۆکییه‌کانی نێوان دوو لایه‌ن و لێکه‌وته‌کانی گشتپرسیی جیابوونه‌وه‌ی هه‌رێمی کوردستان له عێراق ئه‌نجام دراوه.
ناوبراو وتیشی: لێدوانی ئێحسان شمری ڕاوێژکاری سه‌رۆک وه‌زیرانی عێراق له‌باره‌ی ڕێککه‌وتنی نێوان هه‌ر دوو لا له‌سه‌ر ڕاده‌ست کردنی ده‌روازه سنوورییه‌کان له‌لایه‌ن هه‌ولێره‌وه بۆ به‌غدا لێدوانێکی دروست نییه.
شایانی باسه؛ پێشتر ئێحسان شمری له هه‌ژماری تایبه‌تی خۆی له تۆڕی کۆمه‌ڵایه‌تیی فه‌یسبووکدا نووسیبووی: حکوومه‌تی هه‌رێمی کوردستان به‌پێی ده‌ستوور و به بۆنه‌ی چاره‌سه‌ر کردنی قه‌یرانی ناوخۆییی خۆی هه‌ندێ بڕیاری گرتۆته به‌ر و له‌گه‌ڵ ده‌وڵه‌تی فیدڕاڵ ڕێککه‌وتوووه و نموونه‌که‌شی ئه‌وه‌یه بڕیاری داوه ده‌روازه سنوورییه‌کان ڕاده‌ستی به‌غدا بکات.
کۆدی هه‌واڵنێر: 60103
Your Comment