به‌پێی هه‌واڵی کوردپرێس، توێژینه‌وه‌كه‌ له‌ ئه‌مریكا له‌سه‌ر چه‌ند ژنێكی دووگیان ئه‌نجام دراوه‌ و داوایان لێكراوه‌ بۆ ماوه‌یێک ڕۆژانه‌ بڕێک ماسی بخۆن و ئه‌و خواردنه‌ له‌ ژه‌مه‌ خۆراكییه‌كانیاندا هه‌بێت، دواتر له ‌دوای‌ 20 هه‌فته‌ له‌ منداڵ بوون توێژه‌ره‌كان چاودێری منداڵی ئه‌و ژنانه‌یان كردوووه‌ و بۆیان ده‌ركه‌وتوووه‌ كه‌ زۆر ته‌ندروسترن له‌و منداڵانه‌ی دایكیان له‌ كاتی دووگیاندا ماسی نه‌خواردوووه‌.

توێژه‌ره‌كان باسیان له‌وه‌ كردوووه‌ به‌ ناوی ده‌ریا و زه‌ریاكاندا ژماره‌یێكی زۆر ڕووه‌كی سودبه‌خش هه‌یه‌ و ئه‌و ڕووه‌كانه‌ش خۆراكی ماسییه‌كانن، و له‌كاتی خواردنیاندا به‌شێكی زۆری مادده‌ سود به‌خشه‌كان ده‌چنه‌ له‌شی ماسییه‌كانه‌وه‌، پاش خواردنی ماسییه‌كه‌ش ئه‌و سودانه‌ ده‌گوازرێته‌وه‌ بۆ مرۆڤ.

توێژینه‌وه‌كه‌ داوا له‌ هاووڵاتییان به‌ گشتی و ژنانی دووگیان به‌ تایبه‌تی ده‌كات، به‌رده‌وام گرنگی به‌ خواردنی ماسی بده‌ن و هه‌فتانه‌ دووجار ئه‌و جۆره‌ خۆراكه‌ له‌ ژه‌مه‌كانیاندا هه‌بێت.

سه‌رچاوه‌: ماڵپه‌ڕی KNN

کۆدی هه‌واڵنێر: 60104