به‌پێی هه‌واڵی کوردپرێس، مۆبایله‌که‌ به‌ Zanco Tiny T1 ناسراوه‌ و درێژییه‌که‌ی ته‌نیا ٤٧ ملیمه‌تره‌ و ده‌کرێ بکرێته‌ ھه‌ر جزدانێک یان گیرفانێکه‌وه‌ به‌و پێیه‌ی له ‌په‌نجه‌ بچووکتره‌ و کێشیشی ته‌نیا ١٢ گرامه‌ ئه‌مه‌ش ده‌یکاته‌ بچووکترین ئامێری تایبه‌ت به ‌په‌یوه‌ندیی.

مۆبایله‌که‌ ته‌نیا بۆ په‌یوه‌ندی و ناردنی کورته‌نامه‌یه و‌ میمیۆرییێکی ھه‌یه‌ که‌ ده‌توانێ ٣٠٠ په‌یوه‌ندی و ٥٠ نامه‌ بنێرێت.

میمیۆرییه‌که‌ی ٣٢ گێگابایت و شاشه‌یێکی ئۆلیدی بچووکی ھه‌یه‌ له‌گه‌ڵ نانۆ سیمێک و ئه‌وه‌ش گرنگه‌ مۆبایله‌که‌ به‌رگه‌ی ٣ ڕۆژ کارکردن ده‌گرێت.

بڕیاره‌ ئه‌م مۆبایله‌ به ‌نرخی ٤٠ دۆلار و له‌ مانگی مه‌ی ٢٠١٨دا بکه‌وێته‌ بازاڕه‌وه‌.

سه‌رچاوه‌: تۆڕی هه‌واڵی سلێمانی (SNN)

کۆدی هه‌واڵنێر: 60103