به‌پێی هه‌واڵی کوردپرێس، پیتر ڤان بۆرن که 24 ساڵ فه‌رمانبه‌ری وه‌زاره‌تی ده‌ره‌وه‌ی ئه‌مریکا بوووه له یادداشتێکدا باسی لێکدانه‌وه‌ی ڕووبه‌ڕووبوونه‌وه‌ی عێراق له ساڵی 1991ی کردوووه و له هه‌مووی ئه‌و ڕووداوانه‌دا ئه‌مریکای به تاوانبار زانیوه.
ناوبراو له‌و یادداشته‌دا که له هه‌واڵده‌ریی هافینگتۆن پۆست بڵاو کراوه‌ته‌وه ئاماژه‌ی داوه‌ته پاشه‌کشێی کورده‌کان له که‌رکووک و دیکه‌ی ناوچه کێشه‌له‌سه‌ره‌کان له مانگی ئاکته‌وبری 2017 و وتوویه‌تی: له‌و کاته‌دا ئه‌مریکا چیتر پێویستی به کورد نه‌بوو و بۆیه له به‌رانبه‌ر جێگیربوونی هێزه عێراقییه‌کان له‌و ناوچانه‌دا پاڵپشتی له کورد نه‌کردوووه.
پیتر ڤان بۆرن پێی وایه ئه‌مریکا هه‌ر سات پێویستی به کورد بێت به‌ڵێنی دامه‌زراندنی وڵاتێکی سه‌ربه‌خۆ پێیان ده‌دات به‌ڵام هه‌ر ساتێک پێویستی به کورد نه‌مێنێت به‌ڵێنه‌که‌ی له بیر ده‌کات و به‌جێیان ده‌هێڵێت.
ئه‌و نووسه‌ره ئه‌مریکاییه پێی وایه ئه‌مریکا ئه‌گه‌ر ده‌یه‌ویست هه‌ر له ساڵی 1991وه ده‌یتوانی وڵاتێکی سه‌ربه‌خۆ بۆ کورده‌کانی عێراق دابمه‌زرێنێت به‌ڵام کورده‌کانی نائۆمید کرد و ده‌ستی سه‌دامی له سه‌رکوت کردنی ڕاپه‌ڕینی شیعه‌کانی باشووری عێراق کراوه دانا.
کۆدی هه‌واڵنێر: 60104
Your Comment