بەپێی هەواڵی کوردپرێس، یەکینەکانی ژنانی پارتی کرێکارانی کوردستان ناسراو بە YJA Star ڕایگەیاند: ئەو گرووپە لە ساڵی 2017 و لە 98 ئۆپەراسیۆنی جیاجیادا 201 هێزی سەربازی و هێزە ئەمنییەکانی تورکیای کوشتووە.

فەرماندەیی ناوەندیی YJA Star بەیاننامەیێکی دەرکرد و تیایدا ژمارەی خەسارەکانی خۆی و حکوومەتی تورکیای لە ساڵی ڕابردوودا ڕاگەیاند.

بە گوێرەی ئەو بەیاننامەیە یەکینەکانی ژنان لە 98 ئۆپەراسیۆنی جیاجیادا 201 سەربازی ئەرتەش و هێزە ئەمنییەکانی تورکیایان کوشتووە. جگە لەوەش لەو هێرشانەدا حەوت لۆری زرێپۆشی تەقاندووەتەوە و خەساری لە حەوت ئۆتۆمبێلی سەربازیی دیکە داوە.

ئەو بەیاننامەیە زیادی دەکات کە لە ساڵی ڕابردوودا 111 ژنی ئەندامی ئەو گرووپە لە پێکدادانەکاندا لەگەڵ هێزەکانی تورکیا کوژراون حەوت ئەندامیشیان لە لایەن تورکیاوە دەستگیر کراوە.

ئەو گرووپە وەکوو لقی ژنانی PKK لە ساڵی 1984 دامەزراوە و ئێستا لەگەڵ تورکیا شەڕ دەکات. دەوترێت هەندێک لە ئەندامانی YJA Star لە سووریا شەڕی داعش دەکەن.

سەرچاوە: فورات نیووز

کۆدی هه‌واڵنێر: 60113